SAMBHAJIRAO INSIGHTS

महाडची ऐतिहासिक सांस्कृतिक ओळख जपणारं आराध्य दैवत: श्री विरेश्वर महाराज मंदिर महाड, प्रतिनिधी: सावित्री नदीच्या पवित्र काठावर वसलेलं महाड शहर इतिहास, परंपरा आणि अध्यात्म यांचा संगम म्हणून ओळखलं जातं. या शहराच्या सांस्कृतिक जीवनाचा केंद्रबिंदू मानलं जाणारं श्री विरेश्वर महाराज मंदिर आजही स्थानिकांच्या श्रद्धा, परंपरा आणि सामाजिक ऐक्याचं प्रतीक म्हणून उभं आहे. शहराच्या मध्यभागी असलेले श्री विरेश्वर महाराज हे परिसरातील ८४ गावांचे कुलस्वामी मानले जातात. स्थानिक परंपरेनुसार हे दैवत संपूर्ण परिसराचं रक्षण करत असल्याची श्रद्धा आहे. त्यामुळे मंदिराभोवती धार्मिक आणि सांस्कृतिक उपक्रमांची अखंड परंपरा दिसून येते. गावोगावी पसरलेली देवपरंपरा आजही जिवंत असून, वर्षातून एकदा होणारा छबिना महोत्सव हा या श्रद्धेचा उत्कट आविष्कार मानला जातो. छबिना महोत्सवात विविध देवतांच्या पालख्या वाजत-गाजत मंदिरात दाखल होतात. काही ठिकाणी देवतांच्या प्रतीकात्मक काठ्यादेखील आणल्या जातात. या सोहळ्यादरम्यान परिसरात भक्तिमय वातावरण निर्माण होतं. हा उत्सव केवळ धार्मिक कार्यक्रम न राहता सामाजिक एकात्मतेचा उत्सव ठरत...

महाडचा छबिना: सांस्कृतिक, धार्मिक, सामाजिक एकात्मतेचा संदेश देणारा उत्सव महाड: महाशिवरात्रीपासून सुरू झालेला श्री देव विरेश्वर महाराज मंदिर येथील पारंपरिक छबिना उत्सव शहरात भक्तिभाव, उत्साह आणि सामाजिक ऐक्याचे अनोखे वातावरण निर्माण करत आहे. भव्य, पवित्र आणि रोमांचक स्वरूपाच्या या उत्सवासाठी परिसरातील गावोगावचे भाविक मोठ्या संख्येने उपस्थित राहत असून मंदिर परिसर सतत गर्दीने फुलून गेला आहे. उत्सवानिमित्त नातेवाईक, मित्रपरिवार आणि कुटुंबीय एकत्र येत असल्याने देवदर्शनासोबतच गाठीभेटी, विचारपूस आणि सामाजिक संवादाला नवी उभारी मिळत आहे. या निमित्ताने समाजातील ऐक्य दृढ होत असून परंपरा आणि आधुनिक सामाजिक नातेसंबंध यांची सुंदर सांगड घातली जात आहे. मंदिरात समया लावून शिवपिंडीवर देवाचा मुखवटा प्रतिष्ठापित करण्यात आला आहे. भजन-कीर्तनाच्या सुरांनी संपूर्ण परिसर भक्तिरसात न्हाऊन निघाला आहे. एकादशी निमित्त दीप पूजन, बैठक, गादी पूजन, वही पूजन, प्रधान कलश पूजन आणि गणेश पूजन विधिवत पार पडले. देवळातील सर्व देवदेवतांना हार, फुले व फळे अर्पण करून गाऱ्हाणे घालण्यात आले. श्री देव विरेश्वर महाराजांव...