देवाची योजना: अज्ञात, कडू, गोड पण शेवटी आपल्या भल्यासाठीच असते...!

देवाची योजना – अज्ञात, कडू, गोड पण शेवटी आपल्या भल्यासाठीच असते.! 

माणसाचं आयुष्य अनाकलनीय, अकल्पित, गूढ आणि रहस्यमय असतं. त्याच्या आयुष्यात कधी काय घडेल सांगता येतं नाही. 

माणूस हा झाडावरून गळालेल्या शुष्क पानासारखा असतो. नशिबाचा  वारा सुटला तर ते पान उंच पर्वताच्या शिखरावर पोहचते किंवा एखाद्या खोल दरीत पडून कुजून जातं. कदाचित ते निर्जीव पान समुद्राच्या लाटेवरून ऐलतीरावरून पैलतीरापर्यंत सुखरूप जाऊ शकतं किंवा एखाद्या अग्निकुंडात सापडून जळून खाक होतं. नशिबाची साथ लाभली तर ते पान पंख फुटलेल्या पक्ष्यासारखं आकाशात घिरट्या घालतं आणि नशिबाची साथ नाहीच लाभली तर ते पान मातीमोल होऊन जातं. माणसाचंही असंच होतं.  नशिबाची साथ लाभली तर माणूस कुठच्या कुठे पोहचू शकतो.  नशिबापुढे आपण सगळेच हतबल ठरतो. 

आपल्या आयुष्यात अनेक वेळा अशा घटना घडतात, ज्या आपण अपेक्षितच केलेल्या नसतात. कधी काही गोष्टी आपल्या मनासारख्या घडतात, तर कधी अगदी उलट. त्या वेळी आपण देवावर रागावतो, निराश होतो, प्रश्न विचारतो — “हे माझ्यासोबतच का?” पण थोडा काळ गेला की लक्षात येतं — देवाची प्रत्येक योजना आपल्या भल्यासाठीच असते.

देवाच्या योजना अज्ञात (Unknown) असतात-

आपल्याला कधीच ठाऊक नसतं की पुढे काय होणार आहे. पण देवाला माहीत असतं — कोणता मार्ग आपल्याला योग्य ठिकाणी पोहोचवेल. कधी तो आपल्याला वळणदार, कठीण रस्त्यावर नेतो, पण शेवटी तीच वाट आपल्याला सुखाच्या ठिकाणी घेऊन जाते.

देवाची योजना कधी कधी कडू (Bitter) वाटते- 

जेव्हा आपले मन दुखावते, स्वप्न भंग पावतात, नाती संपतात — तेव्हा देवाची योजना आपल्याला त्रासदायक वाटते. पण त्या “कडूपणात”च भविष्यातील “गोडवा” दडलेला असतो. देव आपल्याला काही हरवून काही चांगले देण्यासाठी तयारी करत असतो.

देवाची योजना कधी कधी गोड (Sweeter) भासते.

जी गोष्ट कधी आपल्याला वेदना देत होती, तीच गोष्ट आज आनंद देत असते. आपण मागे वळून पाहतो आणि म्हणतो — “देवा, तू खरंच बरोबर केलंस.”

देवाची योजना नेहमीच आपल्या भल्यासाठी (Always better) असते.

आपल्याला जे हवे असते ते तो देत नाही, पण जे आवश्यक असते ते नक्की देतो. म्हणूनच, देवावर विश्वास ठेवा. परिस्थिती कठीण असली तरीही मनात एक विचार ठेवा “देव जे काही माझ्या आयुष्यात घडवत असतो, ते माझ्या हितासाठीच असतं.”

जीवन हे देवाच्या योजनेचं सुंदर चित्र आहे. आपण त्यातील प्रत्येक रंग समजून घेऊ शकत नाही, पण शेवटी ते चित्र अद्भुत असतं — कारण ते देवाच्या हातून रेखाटलेलं असतं. तेच आपलं नशीब असतं. माणूस हा केवळ दैवाच्या हातातील बाहुले असतो.